RUTAS DE SENDEIRISMO A PÉ E EN BICICLETA

O próximo sábado día 6 de Marzo o Concello e a asocación cultural medio ambiental "O esquío no piñeiro" organizan unha ruta en bicicleta para facer o camiño a Padrón desde Brión, pasando por Santiago, para gañar a Pedronía, que é como a Compostelana pero só desta parte do Camiño. A distancia a percorrer é arredor de 45 Kms e a dificultade da ruta é media-baixa.

Se che interesa, non tes que apuntarte, só tes que estar ás 9 da mañá na Carballeira de Santa Minia, en Brión. O percorrido será: Saída da Carballeira de Santa Minia [Entrega de credenciais]- Etapa Brión - Santiago polo camiño de Fisterra.- Chegada a Catedral e selados das Credenciais.- Etapa Santiago - Padrón polo camiño de Santiago.- Chegada a Padrón e visita a Igrexa parroquial de Iria, a Fonte do Carme, Santiaguiño do Monte e Pedrón para o selado das credenciais.-...

Para o sábado 27 de marzo, seguindo co programa de rutas de sendeirismo, está programada a realización da Ruta da Devesa de Nimo, a pé, polo Concello de Noia, á beira do encoro do Tambre. A saída será ás 3 e media da tarde da Carballeira de Santa Minia. Para esta xa te podes inscribir na Casa da Cultura.

FORMACIÓN NO MES DE MARZO

Xa está aberto o prazo de inscrición para os cursos do mes de marzo.

Especialmente dirixido a monitores de tempo libre e persoas que traballan habitualmente con rapaces, temos programado para o mes de abril un obradoiro de danzas do mundo. Entre outras danzas aprenderemos, ou lembraremos, as seguintes: a pequena polka, a troika, break mixer, oh Susana, danza grega, carnavalito arxentino e boliviano, a grand march, o alunelul, Michael Finnegan, o Santa Forriol ou o vals español. O curso será en sábados, o 20 e o 27.

Por outra parte, ó final, rematado o prazo de preinscrición, só xuntamos xente para solicitar o Celga do nivel 1. En principio o curso empezará o 12 de abril. Aínda queda algunha praza, polo que se che interesa, ou coñeces a alguén que lle interese, chama canto antes á Casa da Cultura.

E finalmente o 5 de abril empezará tamén un curso de fotografía dixital impartido por Fuco Reyes, fotógrafo moi coñecido de Santiago e que leva varios anos colaborando con nós. O curso será de nivel un pouco avanzado, para xente que xa controle algo de foto.

ESTAMOS DE CELEBRACIÓN

Neste mes de marzo celébrase por unha parte o Día Internacional do Teatro, por outra o Dia da Poesía e por outra o Día Internacional da Muller. As tres ocasións nos parecen o suficientemente interesantes e importantes como para adicarlles a nosa atención.

Día mundial do teatro: o 27 de marzo é o Día Internacional do Teatro e ímolo celebrar cunha obra de teatro afeccionado da que se dará conta mediante bando municipal e na web.

Día da muller traballadora: celebrarémolo cun espectáculo dirixido ós alumnos do IES sobre “Rosalía de Castro, poeta da liberdade e da independencia”.

Semana da poesía: celebrarémolo ca representación de Marisa Irimia sobre “A poesía é divertida” no CEIP Pedrouzos na últma semana do mes.

AUDICIÓNS INSTRUMENTAIS DA ESCOLA DE MÚSICA
O 9, 10 e 11 de marzo serán as audicións instrumentais dos alumnos da Escola de Música Municipal.