TRAE O SACO, QUE DURMIMOS FÓRA!!

Iniciamos un novo período de propostas de actividades para os mozos con esta actividade que implica marchar o sábado 24 de abril á 1 da tarde, comidos e con bocata para a cea, e pasar o día e a noite fóra da casa, para volver o domingo 25 ás 11 da mañá. Se vos animades vós e animades ós vosos colegas podemos facer un grupiño xeitoso para troulear un pouco.

A actividade é gratuíta e para apuntarvos só tedes que pasar pola Casa da Cultura, ou enviar un correo electrónico a voluntariado@briondixital.org, ou chamar por teléfono ó 981.509.908 e preguntar por Dora. Todo esto antes do día 16 de abril, que é cando remata o prazo de inscrición.

SENDEIRISMO DE PONTECESO A CORME

O próximo sábado día 10 de Abril o Concello organiza unha ruta a pé que vai desde Ponteceso ata Corme. A ruta é duns 16 Kms. pero é de dificultade baixa, vai todo pola beira do mar, chegando á Punta Roncudo, lugar "bonito de ver" de certo. Esta zona da Costa da Morte é moi bonita e pasa por praias impresionantes, como a de Balarés. Para esta ruta, a saída é o sábado ás 9 da mañá da Carballeira de Santa Minia.

Xa para o mes de maio está previsto facer tamén unha ruta polas Fragas do Eume, o día 1 de maio, sábado.

FORMACIÓN NO MES DE MAIO

Xa está aberto o prazo de inscrición para os cursos do mes de maio:

Se estás sen traballo e pensando en montarte algo pola túa conta, o 25 e 27 de maio organízase un obradoiro chamado "Quero darme de alta como autónomo, como fago?" O obradoiro vaino dar un asesor laboral e veremos todos os trámites que son necesarios para facerse autónomo, ventaxas e desventaxas, outras opcións...

O xoves 20 de maio farase un novo curso de Manipulador de alimentos de 3 horas de duración. Se estás traballando ou tes previsto traballar en hostelería, comercios de alimentación ou calquera outro traballo que implique andar con alimentos, deberías inscribirte neste curso.

En colaboración coa Dirección Xeral de Xuventude e Voluntariado organízase para os meses de maio e xuño un curso de 30 horas de "Voluntariado e mediación familiar". A inscrición para este curso é a través da páxina web de voluntariado, xa que son eles os que o xestionan directamente. O prazo de inscrició abrirá a mediados de abril.

Rematando cos cursos de informática de usuario deste curso, teremos en maio por unha parte o de Access, os luns, mércores e venres pola tarde, e por outra parte dous de Internet, os martes e xoves, un en horario de mañá e outro en horario de tarde.

TEATRO E PUNTO

Para o mes de abril están programadas dúas obras de teatro no Centro Social Polivalente ás oito e media da tarde:

- O Cantar dos Cantares ou Galicia 1948, de Teruca Bouza, o sábado 10 de abril.

- Policía, do grupo de teatro universitario Pinchacarneiro, o sábado 17 de abril.

RESERVA DE PRAZA NA ESCOLA DE MÚSICA

Do 12 ó 30 de abril é o prazo para a reserva de praza na Escola de Música Municipal Magariños para aquelas persoas que foran alumnos no curso 2009-2010.